بعتذر عما بدر
دا لاني حبيتك ف يوم
وشيلت عنك الخطر
أنا عمري أبدا ما كنت أخاف
ده لأني أنشف م الحجر
عدت عليا سنين عجاف
وفضلت أستني المطر
ولقيت ف ركن الأعتراف
قلب لذنوبك غفر
وح يجي يوم فيه تقولي
ان الديب بيكي غدر
مستني بصوتك تصيحي
يا لسخرية القدر
عمر الخط المستقيم
ما ف يوم طريقه أنحدر
كان فعل اضي وأنتهي أمره
والشر الغايب حضر
وما أنتش الحاكم بأمره
ولا كان قرارك فرمان صدر
بركاني الخامد ما ثار
هب فيكي وانفجر
ولأني بحب الحوار
بعتذر عما بدر
ليست هناك تعليقات:
إرسال تعليق