سماء زرقا
وطير فارد جناحاته سنين فرقة
وبحر كبير ملوش أخر
طير الشوق اليه هاجر
وأنا وحدي وسجاني
جدار المركب التايه ف بحر غريب
وقلبي لسة بيدور علي ميناء
ف أرض حبيب
ومركب
م الوتد لصاريها
بتحلم تلفي مرسي قريب
لا فلبي لقي ميناء
ولا المركب لقت مرسي
ولا ف بعدك لقيت راحة
ولا م الفرح ليا نصيب
وشمس العمر بتعدي وبتعدي
ويوم ما تغيب
تخون الطير جناحاته
ويندم ع اللي يوم فاته
وسجن الشوق بدقاته وأناته وهناته
يرجع يلقي نفسه غريب
ليست هناك تعليقات:
إرسال تعليق